Quralaı Nurqadilova óziniń brendimen jıhazdar shyǵarýǵa kiristi
ASTANA. 19 qarasha. QazAqparat - Tanymal qazaqstandyq dızaıner Quralaı Nurqadilova óziniń brendimen jıhazdar shyǵarýǵa daıyndalýda.
Bul týraly «Eskpress K» gazeti jazdy.
Joba ıtalıandyq nemese frantsýzdyq sapaǵa kepildik bere alatyn óndirýshilermen kelissózder júrgizý satysynda. Quralaıdyń jıhazdary eń baı qazaqstandyqtardyń tar aýqymyna arnalǵan elıtaly jáne eksklıýzıvti bolady.
Bul týraly Nurqadilova «Sán - tájirıbede synalǵandardyń oıyny» atty bıznes-forýmda málim etti. Modelerdiń qyzmetiniń jańa baǵyty qazaqstandyq feshn-bızneste barlyq stereotıpterdi buzady. KURALAI brendi endi franshıza boıynsha ártúrli elderde, sonyń ishinde Anglııada shyǵarylatyn bolady.
«Kez kelgen jıhaz oǵan tanymal fırmanyń belgisin jabystyryp qoısań jyldam satylady. Biraq bireýmen yqpaldastyq týraly kelisimshart jasaspaı turyp, biz onyń sapaly taýar jasaıtynyna, jumysyna adal óndirýshi ekendigine kózimizdi jetkizemiz. Bizdiń jıhaz ózgelerden óziniń dızaınymen, tústerdiń alýandyǵymen erekshelenetin bolady. Árıne, olar qolmen jasalǵan, eksklıýzıvti ári óte qymbat bolady. Balalarǵa, ashanaǵa jáne jatyn bólmege arnalǵan jıhazdar glamýr jáne klassıka úlgilerinde jasalady», - dedi ol.
Sondaı-aq Quralaı osy ýaqytta sándi kıimderge qatysty keńes berýden de tartynbady.
«Ártúrli keýdesheler áli de sándi. Tústerge keletin bolsaq, úsh tústi úılestirýdi usynamyn, mysalǵa, sary blýzka, kúlgin ıýbka jáne jasyl sómke. Sondaı-aq qońyr-qyzyl jáne qyzǵylt sary túster sándi bolyp tabylady», - dep túıdi dızaıner.
