Kýrerler jyl basynan qansha somaǵa qyzmet kórsetti – statıstıka

ASTANA. QazAqparat – QR Strategııalyq josparlaý jáne reformalar agenttiginiń Ulttyq statıstıka bıýrosy kýrerlerdiń jyl basynan atqarǵan qyzmetine qatysty statıstıkany usyndy, dep habarlaıdy QazAqparat.

Atap aıtqanda, elimizde 2022 jyldyń qańtar-qarasha aılary aralyǵynda 51,7 mlrd teńgege poshta jáne kýrerlik qyzmet kórsetilgen. Bul ótken jyldyń sáıkes kezeńimen salystyrǵanda aqashalaı mánde 2,5% az.
Aýyldy jerlerde osy jyldyń 11 aıynda qyzmet kórsetý kólemi 2,6 mlrd teńgeni qurady.
Óńirlik bóliniste kýrerlik qyzmetterdiń eń úlken kólemi Almaty qalasyna tıesili – 29,8 mlrd teńge, TOP-3 óńirge Astana qalasy (5,6 mlrd teńge) men Qaraǵandy oblysy (2 mlrd teńge) da endi.
Eń az qyzmet kórsetý Ulytaý oblysyna tıesili – 92,5 mln teńge.