Kýrerler men taksıster áleýmettik tólemder aýdarýǵa mindetteledi

ALMATY. QazAqparat- Elimizde taksı júrgizýshileri men kýrerler memleketke salyq tóleýge mindetteledi. Olar endi resmı túrde jumyspen qamtylǵandar qataryna jatqyzylmaq. Bul týraly óńirlik kommýnıkatsııalar qyzmetiniń alańynda ótken baspasóz máslıhatynda QR Eńbek jáne halyqty áleýmettik qorǵaý vıtse-mınıstri Nazgýl Saǵyndyqova málim etti, dep habarlaıdy QazAqparat tilshisi.

«Áleýmettik kodekstiń jańashyldyqtarynyń biri eńbek naryǵyn lıberalızatsııalaý. Bul – ıkemdi jumyspen qamtylýdyń barlyq túrlerin, sonyń ishinde platformalyq jumysty tanýdy bildiredi. Bul ózgerister negizinen ózin-ózi jumyspen qamtyǵan azamattardy áleýmettik syn qaterlerden saqtandyrý, al táýekel bolǵan jaǵdaıda áleýmettik qoldaýdy qarastyrady. Osy maqsatta bul sanattaǵy azamattardy «táýelsiz jumysker» degen ataý engizildi - bular tabys ákeletin eńbek qyzmetimen aınalysatyn, biraq tıisti ýákiletti organdarda resmı memlekettik tirkelmegen tulǵalar. Mundaı qyzmetkerlerdiń qyzmeti onlaın-platformalar ofertasyna qosqan nemese jarııa shart jasalǵan jaǵdaıda resmı jumyspen qamtý dep tanylady. Mysaly, onlaın ıAndeks platformasyna qosylǵan taksıster, Glovo platformasyndaǵy kýrerler osyndaı kategorııalardaǵy jumyskerlerge jatatyn bolady»,- dedi spıker.
Aıtýynsha, onlaın platformalarda jumys isteıtin azamattar – taksı júrgizýshileri, jetkizýshiler, kýrerler. Olar búginde áleýmettik jaǵynan qorǵalmaǵan.«ıAǵnı, áleýmettik táýekelder týyndaǵan jaǵdaıda olar úshin áleýmettik aýdarymdar men zeınetaqy jarnalary tólenbegendikten, olar áleýmettik qorǵaýdan shyǵyp qaldy. Áleýmettik kodeks aıasynda biz bul máselege úlken kóńil bóldik, endi bul tulǵalardy áleýmettik qorǵaý júıesine tartý josparlanýda. Búgin de ıAndeks, Uber jáne Wolt kompanııalarymen kelissózder júrgizildi, olar sol taksı júrgizýshileri men kýrerler úshin mindetti áleýmettik aýdarymdardy tóleıtin boldy. ıAǵnı, onlaın platformalar ózderi tóleıdi», - dep túsindirdi vıtse-mınıstr.