Qupııasózder kómektespeıdi: Kıberqylmysqa qalaı tosqaýyl qoıýǵa bolady
NUR-SULTAN. QazAqparat - Ulybrıtanııada jeke málimetterdiń urlanýy rekordtyq deńgeıge jetken. Alaıaqtyqtyń aldyn alý qyzmeti byltyr 190 myń jaǵdaıdy tirkegen. Qylmyskerler kóbine qupııasózderdi dál taýyp áreket etken. «Tsıfrlyq ómirde jeke aqparatty endi qalaı qorǵaı alamyz?», dep jazady VVS.
Gartner zertteý kompanııasy habarlaǵandaı, 2022 jylǵa qaraı barlyq iri komanııalar qupııasózderge táýeldilikten 60% arylatyn bolady.
«Qupııasóz alaıaqtar qoldanatyn eń qarapaıym ádis. Adamdar ońaı este saqtalatyn paroldi tańdaıdy, sáıkesinshe, olardy buzý da ońaı», - deıdi bıometrııalyq sáıkestendirý qyzmetiniń mamany Djeıson Týlı. Onyń aıtýynsha, qupııasózden bas tartý tek qaýipsizdikti ǵana kúsheıtip qoımaı, IT bólimderge qupııasózdi qaıta qalpyna keltirýge ýaqyt jumsamaýǵa múmkindik beredi.
Eýroodaq engizgen jańa ereje boıynsha, tólem jasaý dırektıvasynda klıenttiń bıometrııalyq nemese tek ózi ǵana biletin (pın kod) málimetterin qoldaný bekitilgen.
2019 jyly júrgizilgen halyqralyq jahandyq zertteý nátıjelerine sáıkes, qazirgi tańda bıometrııaǵa qyzyǵýshylyq artqan. Bankterdiń 67% qazirgi tańda saýsaq tańbasy, daýys nemese bet pishindi taný sekildi bıometrııalyq júıelerge ınvestıtsııa salǵan.
«Degenmen, Shanhaıda ótken kıberqaýipsizdik konferentsııasynda bıometrııalyq málimetterdiń de urlanýy múmkin ekeni belgili boldy. Mysaly, saýsaq tańbasynyń birneshe metrden túsirilgen sýreti júıeni op-ońaı aldaı alady», - deıdi mamandar.
Olardyń atap ótýinshe, qaýipsizdikti arttyrý úshin birneshe faktordy qamtıtyn qorǵanysqa basymdyq berý kerek.
