Qupııa satyp alýshy temirjol kóliginde jemqorlyq táýekeldi tekserdi – Aqmola oblysy

KÓKShETAÝ. QazAqparat - Aqmola oblysynyń temirjol kóliginde «qupııa satyp alýshy» ádisi arqyly jemqorlyq táýekel tekserildi, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentine silteme jasap.

Vedomstvonyń málimetinshe, «Adal jol» aıasynda aımaqtyq Arnaıy monıtorıngilik top múshelerinen, «Aqmola – adaldyq alańy» jobalyq keńsesiniń, QR Sybaılas jemqorlyqqa qarsy is-qımyl agenttiginiń aýmaqtyq departamenti jáne Aqmola oblysy boıynsha kóliktik baqylaý ınspektsııasy qyzmetkerlerinen quralǵan jobalyq top «Qazaqstan temir joly» UK» AQ qyzmetinde «Qupııa satyp alýshy» ádisimen tasymaldaýlardy júzege asyrý kezinde sybaılas jemqorlyq táýekelderin anyqtaý maqsatynda qoǵamdyq monıtorıng júrgizdi.

«Monıtorıngileý kezinde jol júrý qujattaryn zańsyz satýǵa jáne bıletsiz jolaýshylardy tasymaldaýǵa jol bermeý maqsatynda vokzal men jolaýshylar poıyzdary qamtylǵan.

Toptyń shyǵý nátıjeleri boıynsha bıletterdi qaıta satý faktileri anyqtalǵan joq, bul aımaqtyq jobalyq toptyń jáne jalpy, «Adal jol» jobalyq keńsesi qyzmetiniń tıimdiligin kórsetedi», - deıdi vedomstvodan.

Sonymen qatar, «Kókshetaý-Qyzylorda» temirjol jolaýshylar quramynyń jaǵdaıyna monıtorıng júrgizildi, onyń barysynda jolaýshylarǵa kórsetiletin qyzmetterdiń sapasyna erekshe kóńil bólindi. Osylaısha, tósek-oryn jabdyqtarynyń jaǵdaıy, gıgıenalyq quraldardyń bolýy, sanıtarlyq normalardyń saqtalýy, vagondardyń tehnıkalyq jaǵdaıy zertteldi.

Aıta ketý kerek, taıaýda osy poıyzda jolaýshylarǵa servıstik qyzmet kórsetýdi jetildirý baǵytynda býfet jumys isteı bastady.

«Bılet kassalarynyń jumysyn, vokzaldarda jolaýshylar poıyzdaryna bılet satý boıynsha alypsatarlyqqa jol bermeýdi, sondaı-aq jol júrý jolyndaǵy jolaýshylar poıyzdaryn baqylaýdy kúsheıtý maqsatynda múddeli memlekettik organdar 2019 jyldyń 30 qarashasynan 2020 jyldyń 4 qańtaryna deıingi kezeńde «Jolaýshylar poıyzdaryna bılet tapshylyǵyn joıý» aktsııasyn ótkizýde», - dep tolyqtyrdy vedomstvodan.

Aýmaqtyq kóliktik baqylaý ınspektsııasynyń málimetteri boıynsha, jyl basynan beri tekserý júrgizý barysynda bıletsiz jolaýshylardy tasymaldaýdyń 77 faktisi, sondaı-aq joljúgin jáne júk-bagajdy tasymaldaý erejesin buzýǵa qatysty 35 fakti anyqtaldy (artyq qol júgin tasymaldaý, órtten qorǵaý dabylynyń aqaýy, qaýipti zattardy tasymaldaý jáne t.b.). Anyqtalǵan eskertýler boıynsha 36 ákimshilik materıal qozǵalyp, 244 934 teńge kóleminde aıyppul óndirildi.

Vedomstvo atap ótkendeı, 2018 jylǵy 29 tamyzda Sybaılas jemqorlyqqa qarsy qyzmet pen «Jolaýshylar tasymaly» AQ arasynda Temirjol jolaýshylar kóliginde sybaılas jemqorlyqqa qarsy is-qımyl jónindegi yntymaqtastyq týraly kelisimge qol qoıyldy.

Kelisim aıasynda «Jolaýshylar tasymaly» AQ shtatynda temir jol tasymaldaryn júzege asyrý kezinde sybaılas jemqorlyq kórinisteriniń sebepteri men jaǵdaılaryn anyqtaý jáne joıý boıynsha jumystardy júrgizýdi kózdegen «Adal jol» jobalyq keńsesi quryldy.

Aslan Ospanov.