Qupııa málimet: Ulttyq banktiń jańa ǵımaratyna jumsalǵan shyǵyn jarııalanbaıdy

ASTANA. KAZINFORM — Elordadaǵy Ulttyq banktiń jańa ǵımaratynyń qurylysyna jumsalǵan qarajat somasy jarııalanbaıdy. Bul týraly QR Ulttyq bankiniń tóraǵasy Tımýr Súleımenov málim etti.

- Ǵımarat rejımdi nysan sanalady, ıaǵnı erekshe qorǵaýda tur. Sondyqtan Buǵan deıin birneshe ret aıtqanmyn jáne taǵy da qaıtalaı alamyn: bul aqparatty jarııa ete almaımyn, - dedi T.Súleımenov elordada ótken baspasóz máslıhatynda.

Onyń aıtýynsha, qyzmetkerler men jabdyqtardy jańa ǵımaratqa kóshirý jumystar aıaqtaldy.

- Kóshirý jumystary birtindep júzege asyryldy. Qazir tolyqtaı osy nysanda ornalasyp boldyq, - dedi UB basshysy.

Eske salsaq, bıyl qazan aıynda Ulttyq banktiń elordadaǵy jańa ǵımaratynyń qurylysy aıaqtalǵanyn jazǵan edik.