Quny 25 myń teńgelik telefon urlaǵan atyraýlyq eki jylǵa sottaldy
ATYRAÝ. QazAqparat – Atyraýda telefon urlaǵan er adamnyń bas bostandyǵy shekteldi, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, 37 jastaǵy er adam tanysynyń «NOKIA» markaly telefonyn urlaǵan.
«Jábirlenýshi Mahambet aýdandyq polıtsııa bólimine aryzdanyp, quny 25 myń teńge turatyn «NOKIA» markaly telefonyn bireý urlap ketkenin aıtqan. Sońǵy ret úıinde 37 jastaǵy tanysy qonaqta bolypty. Olar birge ishimdik iship, artynsha jábirlenýshi uıyqtap qalǵan. Al, kúdikti azamat «uıaly telefondy oınap alyp kettim» dep aqtalyp, kelesi kúni polıtsııa qyzmetkerleri arqyly telefondy qaıtaryp bergen. Tekserý kezinde kúdiktiniń buryn da sotty bolǵany anyqtaldy. Sottalýshynyń kinási sot tergeýinde zerttelgen is materıaldarymen dáleldendi», - dep habarlady departamenttiń baspasóz qyzmeti.
Kúdikti QR Qylmystyq Kodeksiniń 188-babymen (Urlyq) kináli dep tanylyp, oǵan túpkilikti eki jyl merzimge bas bostandyǵynan aıyrý jazasy taǵaıyndaldy.
Eske sala ketelik, budan buryn Atyraýda 20 jastaǵy alaıaq úsh jyl boıy májbúrli eńbekke tartylatynyn jazǵan
bolatynbyz.
