Quny 25 mln teńgeni quraıtyn noýtbýkter urlaǵan qylmyskerler sottaldy
ASTANA. QazAqparat - QR kólik polıtseıleri jalpy somasy 25 mln teńgege baǵalanǵan noýtbýkter urlyǵyn ashty, dep habarlady kóliktegi ІІD baspasóz qyzmeti.
Polıtseılerdiń derekterine sáıkes osy jylǵy sáýirdiń 13-inen 14-ine qaraǵan túni Qaraǵandy oblysy «Dońǵal-Aqadyr» stansasy aralyǵynda belgisiz bireýler «QHR-Germanııa» baǵytyna jóneltiletin konteınerden 342 dana «ASUS» markaly noýtbýkti qoldy etken.
Osylaısha, «QTJ UK» AQ-ǵa jalpy somasy 25 102 757 teńge materıaldyq shyǵyn keltirildi. «Kóliktegi ІІD krımınaldyq polıtsııa basqarmasynyń qyzmetkerleri 7 adamnan turatyn topty ustady.
Tergeý barysynda kúdiktiler aıǵaqty dálel berdi. Zattaı aıǵaqtar tárkilendi. Shet aýdanynyń №2 aýdandyq sotynyń úkimimen ustalǵan adamdar QR QK 188-baby 4-bólim 3-tarmaq boıynsha múlikteri tárkilene otyryp, 5-ten 9 jylǵa deıin túrli merzimderge sottaldy», - delingen habarlamada.
