Quny 200 myń eýroǵa teń Gaıtı fýtbolshysy «Atyraý» klýbyna tegin keldi
ATYRAÝ. QazAqparat – «Atyraý» fýtbol komandasynyń quramyna qosylǵan gaıtılik oıynshy úshin aqsha shyǵyndalǵan joq. Bul týraly atalǵan komandanyń baspasóz qyzmetinen málim etti, dep habarlaıdy QazAqparat.
«Atyraý» sapyna Gaıtı qurama komandasynyń oıynshysy qosyldy. Krıstıan Aleks Djýnıor komandaǵa erkin agent retinde qosyldy (aqysyz). «Atyraý» fýtbol klýby bul transfer úshin aqsha shyǵyndaǵan joq. 27 jastaǵy qorǵaýshy buǵan deıin «Ararat– Armenııa» komandasynyń sapynda óner kórsetip, eki jyl qatarynan Armenııa chempıony atanǵan bolatyn. Transfermarkt derekterine súıensek, Krıstıan Aleks Djýnıordyń naryqtaǵy baǵasy 200 myń evroǵa teń», - dedi «Atyraý» fýtbol klýbynyń baspasóz qyzmetinen.
Eske sala ketelik, budan buryn «Atyraý» fýtzal komandasynyń úsh oıynshysy ulttyq quramada oınaıtynyn jazǵan bolatynbyz.
