Quny 20 mln. dollardan kem emes ınvestıtsııalyq jobalarǵa qoldaý kórsetiledi
ASTANA. QazAqparat - Investıtsııalyq klımatty jetildirý týraly zań jobasynda quny 20 mln. dollardan kem emes ınvestıtsııalyq jobalarǵa qoldaý kórsetýdiń negizgi tetikteri qarastyrylyp otyr. Bul týraly búgin Astana Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý vıtse-mınıstri Marat Qusaıynov málim etti.
«Yntalandyrýlar paketi ÚIIDMB sáıkes ekonomıkanyń basym salalaryndaǵy quny 20 mln. AQSh dollarynan kem emes jańa ınvestıtsııalyq jobalar úshin beriletin bolady», - dedi M. Qusaıynov.
Budan ózge, ınvestıtsııalyq ahýaldy jaqsartý úshin ekonomıkanyń naqty sektoryna arnalǵan tarıfteriniń boljamdylyǵyn qamtamasyz etý jolymen uzaq merzimge tabıǵı monopolııanyń barlyq sýbektilerine tarıfterdiń shekteýli deńgeıin bekitý kózdelgen.
Sonymen qatar, ınvestorlardyń múddelerin jáne quqyǵyn qorǵaýdy qamtamasyz etý maqsatynda zańdy negizde «ınvestıtsııalyq ombýdsmen» ınstıtýty engizilmek.
Aıta keteıik, búgin QR Úkimeti ınvestıtsııalyq klımatty jaqsartýdyń Keshendi jospary jobasyn maquldady.
Onyń sózine qaraǵanda, keshen jobasy qabyldansa, Salyq kodeksine, Investıtsııalar týraly, Tabıǵı monopolııalar týraly, Halyqty jumyspen qamtý jáne Kóshi-qon týraly zańdarǵa ózgerister engizý qarastyrylǵan.
