Quny 2 mln.teńge bolatyn teńiz shaıandaryn Reseıge zańsyz ótkizbek bolǵan azamat ustaldy
ASTANA. 18 qarasha. QazAqparat - Jalpy salmaǵy 400 keli, al quny 2 000 000 teńge bolatyn teńiz shaıandaryn elimizden Reseıge zańsyz asyrmaq bolǵan azamat ustaldy.
Oral shekara otrıadyna qarasty «Shaǵan kólik» ótkizý beketiniń shekarashylary «Mıtsýbısı» avtokóligimen kórshiles memleketke ketip bara jatqan 30 jastaǵy reseılik azamatty toqtatty.
Kólik quralyn qaraý kezinde onyń ishinen jalpy quny 2 000 000 teńge, al salmaǵy 400 keli bolatyn teńiz shaıandary tabyldy.
Atalǵan derek boıynsha tergeý amaldary júrgizilýde. Alynǵan júk Oral aýdanaralyq balyq ınspektsııasyna berildi, dep habarlady QR UQK ShQ baspasóz qyzmetinen.
