Quny 165 mln. dollarlyq «Tıtanıktiń» kóshirmesi jasalmaq
ASTANA. 15 qańtar. QazAqparat - Qytaılyq kompanııa osydan bir ǵasyr buryn sýǵa batqan "Tıtanık" kemesiniń kóshirmesin oıyn-saýyq parkine arnap jasap shyǵaratynyn habarlady.
Quny 165 mıllıon AQSh dollary turatyn kóshirme "Tıtanık" kemesiniń sýǵa batqan kezdegi kórinisine uqsatyp jasalmaq. Oıyn-saýyq parki Qytaıdyń ortalyǵyndaǵy Sychýan provıntsııasynda salynatyn bolady, dep habarlady «Azattyq». Buǵan deıin avstralııalyq magnat Klaıv Palmer de "Tıtanık" kemesiniń kóshirmesin jasaý josparyn jarııalaǵan. Ol kóshirme 2016 jyly bitýi tıis.
Ulybrıtanııada qurastyrylǵan "Tıtanık" jolaýshylar kemesi 1912 jyly Soltústik Atlantıkada aısbergke soǵylyp, sýǵa batqan edi. Keme apatynan 1500-ge tarta adam qaza bolǵan.
