Quny 1000$ turatyn álemdegi eń qymbat kámpıtter satyla bastady
ASTANA. QazAqparat - Londondaǵy Harrods dúkeni álemdegi eń qymbat kámpıtterdi sata bastady. Birikken Arab Ámirliginde óndirilip, Delice markasymen satylyp jatqan táttilerdiń bir qorabynyń quny - 1 myń dollar, dep habarlaıdy The Daily Mail basylymy.
«Qazir biz kúnine kem degende bir qorap táttini satýdamyz, ol alýshylardyń zor qyzyǵýshylyǵyn týdyrýda», - deıdi atalmysh ónimdi shyǵaratyn kompanııanyń basshysy Jalel Gaıza.
Svarovskı krıstalldarymen jáne 24 karattyq altynmen bezendirilgen qoraptyń ishinde 240 kámpıt bar eken. Ol frantsýzdyq «Valrona» kompanııasy óndiretin eń qymbat shokolad sorttarynyń birinen jasalady. Alaıda onyń dámin túrlendirý úshin alýan túrli qosyndylar da paıdalanylady eken. Atap aıtqanda, táttige qosylatyn badam Týnısten, piste (fıstashkalar) Aýǵanstannan, grek jańǵaqtary AQSh-tan jáne kedr jańǵaqtary Túrkııadan jetkiziletin kórinedi.
