Quny 10 mln. rýblden asatyn altyn buıymdar salynǵan sómke urlandy
ASTANA. 13 shilde. QazAqparat - Máskeýdiń ońtústiginde belgisizder júrgizýshiden aqsha jáne qundy zattar salynǵan sómkeni tartyp áketti.
Oqıǵa «Kantemırovskaıa» metrosynyń stansasy aýmaǵynda, Proletar dańǵylyndaǵy úıdiń mańynda bolǵan.
RF ІІM Máskeý qalasyndaǵy Bas basqarmasynyń baspasóz qyzmetinen habarlaǵandaı, kúndiz betperde kıip alǵan belgisiz tórt adam «Ford Fokýs» kóliginiń shynysyn tapanshamen syndyryp, onyń júrgizýshisin uryp-soǵyp, kóliktiń ishinen aqsha jáne altyn buıymdar salynǵan sómkeni alyp ketti. Budan keıin qylmyskerler qara tústi «Mazda» kóligine minip, oqıǵa ornynan izderin sýytty.
Beıresmı málimetter boıynsha, shamamen 10 mln. rýbl urlandy. Altyn buıymdaryn urlap áketkender qaıda ketkeni jáne kóliktiń ıesi kim bolǵany ázirshe belgisiz.
