Kúntizbede kóktem kelgenimen kún ázirge jylyna qoımaıdy — Qazgıdromet

ASTANA. KAZINFORM — Qazgıdromet sınopıkteri 29 aqpan — 2 naýryz aralyǵyna arnalǵan úsh kúndik aýa raıy boljamyn jarııalady. 

Kúntizbe boıynsha kóktem keledi, biraq qys kete qoımaıdy.

Qazaqstannyń basym bóligi aýqymdy antıtsıklonnyń yqpalynda bolyp, jaýyn-shashynsyz aýa raıy saqtalady.

Osyǵan qaramastan elimizdiń ońtústigi men soltústigine eki tsıklon áser etip, jaýyn-shashyn jaýady, jel kúsheıedi.

Temperatýralyq fonda mınýs saqtalady.

Tek Qazaqstannyń batysynda ǵana kúndiz termometr baǵany 10 gradýs jylyǵa deıin joǵarylaıdy.