Kúnsulý Zakarııaǵa ál-Farabı atyndaǵy memlekettik syılyq berildi
«І dárejeli «Dańq» ordeni bizdiń memleketimizdiń arnaıy qyzmetterin qalyptastyrýǵa úles qosqan Bolat Baekenovke tapsyrylady. ál-Farabı atyndaǵy ǵylym men tehnıka salasyndaǵy memlekettik syılyq Kúnsulý Zakarııa men Amangeldi Sadanovqa beriledi. Kúnsulý Zakarııa QazVac koronavırýsyna qarsy otandyq vaktsına jasaǵan jáne qazir birneshe uqsas preparattardy jasap jatqan ǵalymdar tobyn basqarady. Amangeldi Sadanov bizdiń elimiz úshin jańa jáne ózekti baǵyt – Bıotehnologııa men topyraq mıkrobıologııasyn zertteıtin ǵylymı mektep qurdy», - dedi Memleket basshysy memlekettik nagradalar ıegerlerin marapattaý rásiminde.
Sonymen birge, ІІ dárejeli «Dańq» ordeni QR Bas prokýrorynyń orynbasary Bolat Dembaevqa, Ulttyq qaýipsizdik komıteti tóraǵasynyń orynbasary Dáýlet Erǵojınǵa jáne QR Tótenshe jaǵdaılar mınıstri ıÝrıı Ilınge berildi.
«Táýelsizdiktiń 30 jyldyǵy qarsańynda, osyndaı saltanatty jıynda joǵary dárejeli memlekettik marapat alǵanym – men úlishn úlken mártebe. Osyndaı kúrdeli kezeńniń qıynshylyqtarynan ótip, elimiz joǵary deńgeıge kóterildi. Onyń ishinde osy dertke ǵana tótep bermeı, óz vaktsınamyz QazVac-ty ázirlep, adamzatty qorǵaý úshin barlyǵyn saldyq. Qurmetti Qasym-Jomart Kemeluly, Qazaqstan ǵylymynyń aldyna qoıǵan tapsyrmańyzdy bizdiń ǵalymdarymyz buljytpaı oryndady. Mundaı joǵary dárejege tek qana sizdiń qoldaýyńyzben, Úkimettiń qoldaýymen barsha kózi ashyq kókiregi oıaý ǵalymdardyń qosqan úlesimen jettik. Qurmetti áriptester, kele jatqan Táýelsizdik kúni tuǵyrly bolsyn!», - dedi Kúnsulý Zakarııa.
Buǵan deıin Prezıdent Qasym-Jomart Toqaev Táýelsizdiktiń 30 jyldyǵy qarsańynda el azamattaryna alǵys aıtqan edi.
Sondaı-aq, elimizdiń eń joǵary ataǵy – «Qazaqstannyń eńbek eri» marapaty úsh adamǵa tabys etildi.
«Otan» ordenimen eńbek ardageri, kórnekti melmeket jáne qoǵam qaıratkeri, belgili ǵalym Myrzataı Joldasbek pen tanymal aqyn Aqushtap Baqtygereeva jáne kórnekti jazýshy Sábıt Dosanov marapattaldy.
Al І dárejeli Barys ordenimen memleket jáne qoǵam qaıratkerleri – Nurtaı Ábiqaev, Darıǵa Nazarbaeva, Qýanysh Sultanov jáne belgili ǵalym Tilektes Esbolov, «Zenıt» Oral zaýyty» AQ bas dırektory Vıacheslav Valıev marapattaldy.