Kúnsulý Zakarıa pandemııa jóninde: Jańa synaqqa daıyn bolýymyz kerek
«Astana halyqaralyq forýmy aıasynda densaýlyq saqtaýdyń jahandyq problemalaryna arnalǵan úlken paneldik sessııa ótti. Sessııada pandemııa qorytyndylary týraly suraqtar kóterildi. Rasynda biz pandemııadan úlken sabaq aldyq. Pandemııa kezinde alǵan óńirlik, respýblıkalyq jáne jahandyq aýqymdy tájirıbeni umytpaýymyz kerek. Sondyqtan forým sessııasynda ǵalymdar men mamandar, sondaı-aq Pfizer sekildi iri kompanııalardyń basshylary, dúnıejúzilik densaýlyq saqtaý uıymy jáne AQSh-tyń aýrýlardy baqylaý jáne aldyn alý ortalyǵynyń ókilderi elderdiń tájirıbesin jınaqtaý qajet degen pikirge keldi», - dedi Kúnsulý Zakarıa Astana halyqaralyq forýmy barysynda QazAqparat tilshisiniń saýalyna jaýap bere turyp.
Onyń aıtýynsha, kelesi yqtımal qaýip-qaterlerge tolyq daıyn bolý úshin barlyq qajetti sharalar men nusqaýlyqtar ázir bolýy tıis.
«Qazaqstan bul baǵytta úlken tájirıbe jınaqtady. Vedomstvoaralyq ózara is-qımylda aýqymdy ózgerister boldy. Óıtkeni máseleni Densaýlyq saqtaý mınıstrligi ǵana sheshken joq. Bul jerde qarjylandyrý qajet boldy (Qarjy mınıstrligi), jabyq shekaralar jaǵdaıynda (QR SІM) syrttan taýarlar ákelý kerek boldy. Al ǵalymdar jańa tehnologııalar men zertteý ádisterine qol jetkizdi. Eń bastysy – biz Ortalyq Azııada tolyq tsıkldi vaktsınalar shyǵaratyn alǵashqy zaýyt saldyq. Jańa yqtımal synaqtarǵa daıyn bolý úshin óz tájirıbemizden sabaq alýymyz kerek», - deıdi Ulttyq ǵylym akademııasynyń prezıdenti.
