Kúnniń buzylýyna baılanysty úsh oblystaǵy joldarda kólik qozǵalysy shekteldi

ASTANA. KAZINFORM - 2026 jylǵy 6 aqpan saǵat 19:00-de kúnniń buzylýyna baılanysty Aqmola, Pavlodar jáne Jambyl oblystaryndaǵy respýblıkalyq mańyzy bar avtojoldarda jolaýshylar tasymaldaıtyn reıstik avtobýstar men júk kólikteriniń qozǵalysyna shekteý engiziledi.

Bul týraly «QazAvtoJol» mekemesi habarlady.

Aqmola oblysy:

- «Astana — Shiderti — Pavlodar — Ýspenka — RF shekarasy» avtojolynyń 16 — 200 shaqyrym aralyǵy (Astana qalasy — Pavlodar oblysynyń shekarasy);

Pavlodar oblysy:

- «Astana – Shiderti – Pavlodar – Ýspenka – RF shekarasy» avtojolynyń 200-431 shaqyrymy aralyǵy (Aqmola oblysy shekarasy – Atameken aýyly);

Jambyl oblysy:

«RF shekarasy – Martók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy, Qordaı asýynyń jańa aınalma joly» avtojolynyń 159-238 shaqyrymy aralyǵynda (Kenen aýylynan Qaınar aýylyna deıin).

Joldy 2026 jylǵy 07 aqpan saǵat 08:00-de ashý josparlanǵan.

Osyǵan deıin Qaraǵandy oblysynda birneshe baǵytta kólik qozǵalysy toqtatylatyny týraly jazdyq.