Kúnniń kúrt jylynýyna baılanysty ońtústik óńirdegi ózenderde muz erý qaýpi bar
ASTANA. QazAqparat - Qazaqstannyń basym bóliginde atmosferalyq aǵyndardyń ótýine baılanysty aýa raıy turaqsyz bolady. Keı jerlerde qar túsip, jel kúsheıip, boran soǵyp, tuman túsýi yqtımal. Tipti kóktaıǵaq ta bolýy múmkin, dep habarlaıdy «Qazgıdromet».
Almaty oblysy Jalańashkól aýdanynda jel kúsheıip, onyń ekpini 28 metr sekýndqa deıin jetedi. Keı jerlerde tuman túsedi dep kútilýde. Shyǵys Qazaqstan oblysynyń keıbir jerlerinde de jel kúsheıedi, Jarma aýdanynda jel ekpini 25-28 metr sekýndqa deıin jetýi múmkin. Pavlodar, Qaraǵandy, Aqmola oblystarynyń keı jerlerinde jel kúsheıip, jaıaý borasyn soǵýy yqtımal. Aqtóbe, Qostanaı oblystarynda jel ekpini 15-20 m/s deıin jetedi. Batys Qazaqstan, Atyraý, Mańǵystaý, Qyzylorda, Jambyl oblystarynda 15-22 m/s deıin jel kúsheıip, tuman túsip, kóktaıǵaq bolady. Aldaǵy kúnderi ońtústik, ońtústik-shyǵys óńirleriniń jekelegen ózenderinde temperatýranyń kóterilýine baılanysty muz erýi múmkin. Syrdarııa ózeninde, Ońtústik Qazaqstan, Jambyl, Almaty jáne Shyǵys Qazaqstan oblystarynyń keı ózenderinde sý deńgeıiniń terbelýi baıqalýy yqtımal.
