Kúnniń kúrt ysýyna oraı Shymkentte JEO temperatýrany tómendetken
ShYMKENT. QazAqparat - Jylý beretinder JEO-dan shyǵatyn temperatýrany tómendetýge týra keldi, dep habarlaıdy «QazAqparat» HAA tilshisi.
Shymkent ákimi orynbasarynyń derekteri boıynsha JEO-dan shyǵatyn temperatýra 60 gradýsty, al keıbir jeke turǵan qazandyqtarda 50 gradýsty quraıdy. Qazirgi ýaqytta qala tolyǵymen jylý júıesine qosylǵan. Tek qana 17 úı eki avarııalyq ýchaskede ornalasqandyqtan jylýsyz qalyp otyr. Úzilister 8 jáne 11-shaǵynaýdandardaǵy jylý qubyrlarynda boldy.
Esterińizge salaıyq, Shymkenttegi JEO jumysyn 10 kúnge keshiktirip bastady. Bul jylý energııasy ortalyǵynyń mılıondaǵan qaryzdarymen baılanysty boldy. Kásiporyn «QazTRANSgaz Aımaq» AQ-ǵa gaz úshin 1 mlrd 600 mln teńge qaryz boldy. 700 mln teńgeni jylý energııasy ortalyǵy qazan aıynyń basynda tóledi. Qalǵan somany JEO 2017 jylǵy sáýirge deıin óteıtin bolady. Qaryzy úshin JEO toqtap turdy. Ádette júıelerdi 1 qazannan bastap toltyratyn, al bul jyly 10 kúnge keshiktirildi. Qalalyq ákimdiktiń derekteri boıynsha, JEO abonentter úshin qaryzdandy. Sonymen qatar turǵyndar jylý úshin ótken jylǵy 90 mln teńgeni tólemegen, kózdelmegen shyǵyndar taǵy bar. Bularǵa sýdy aǵyzý, ortalyqtandyrylǵan jylýdan óz betimen ajyraıtyn abonentter jatqyzylady.
