Kúnniń kúrt sýytýy ońtústikte gazdy tutyný kólemin arttyrdy

ShYMKENT. QazAqparat - Ońtústik Qazaqstan oblysy bıyl rekordtyq deńgeıde kógildir otyn tutynǵan, dep habarlaıdy QazAqparat tilshisi.

«QazTransGaz» kompanııasynyń baspasóz qyzmeti taratqan málimetterge qaraǵanda, ońtústik óńirde aýa raıynyń qatty sýytýyna baılanysty gaz tutyný deńgeı kúrt kóterilgen. Eger aımaq qystyq osy mezgilinde táýligine 24 mln tekshe metrge deıin kógildir otyndy paıdalansa, qazir bul kórsetkish 35 mln tekshe metrge jetti. Saldarynan gaz taratýshy júıelerde avarııalyq jaǵdaılar jıi oryn alyp, keıbir ýchaskelerde gaz berýde kedergiler týyndaǵan.

Mamandardyń sózine qaraǵanda, negizinen kishigirim aýmaqty kógildir otyrmen qamtamasyz shaǵyn kompanııalardaǵy gaz taratýshy júıeler men qondyrǵylar isten shyǵypty.  Sebebi gaz qubyrlaryna jekelegen úılerdi shamadan tys qosqannan qubyrlar jarylyp ketedi. Onyń ústine qysymnyń da tómendep ketýi de osyndaı qıyndyqtar týyndatqan.