Kúnniń betinde paıda bolǵan shuńqyr magnıtti daýyl týdyrady
Astranews resýrsynyń aqparaty boıynsha, bul – Kúnnen anyqtalǵan alyp kólemdi ekinshi shuńqyr. Kólemi Jerden 30 ese úlken alǵashqy oıyq 23 naýryzda anyqtaldy.
Kúnniń rentgenin jasaǵan NASA kún dınamıkasy observatorııasy zertteýlerine sáıkes, shuńqyrdan shyqqan plazma aǵyny saǵatyna 2,9 mln shaqyrym jyldamdyqpen qozǵalyp keledi jáne Jerge 31 naýryzda nemese 1 sáýirde jetedi. Mundaı qubylys kezinde kúshti kún jeli men magnıtti daýyldar bolady. Biraq, boljam boıynsha, plazma aǵynynyń kóp bóligi bizdiń ǵalamsharymyzdy aınalyp ótetindikten, magnıtti daýyl qatty sezilmeıdi.
Aıta ketsek, magnıtti daýyl spýtnık baılanysynda irkilis týyndatyp, meteosezimtal adamdardyń aýrýy asqynýy múmkin.
Jalpy, 2023 jyldyń naýryzynda birneshe magnıtti daýyl – 4, 12, 19 tirkeldi. Aıdy qorytyndylaıtyn bul daýyldyń qýaty ortasha bolady.
Dárigerler magnıtti daýyl kúnderi taza aýada kóbirek ýaqyt ótkizýge, durys tamaqtanyp, ásirese sozylmaly jáne júrek qan-tamyr aýrýlary bar adamdarǵa densaýlyǵyn muqııat baqylaýǵa shaqyrady.
