Kúnine bir tonna palaý satylady: Astanada Tájikstan ónimderiniń jármeńkesi ótedi
ASTANA. KAZINFORM – Elordada 16-17 tamyz kúnderi Tájikstan Respýblıkasynyń Soǵdy oblysynyń aýyl sharýashylyǵy ónimderi men halyq qolóneri buıymdarynyń jármeńkesi ótedi, dep habarlaıdy Astana qalasy ákimdiginiń resmı saıty.
Tájikstan kásipkerleri aýyl sharýashylyǵynyń 1 000 tonnadan astam ónimin satýǵa ákeledi: jemis-jıdek, qurma, jańǵaq, kókónis, baqsha ónimderi jáne ózge de dándi-daqyldar.
Jármeńkede ulttyq as máziri de usynylady:
• 10 qazanda palaý (kúnine keminde 1 tonna palaý);
• 6 tandyrda nan men samsa (kúnine keminde 5 000 dana taǵam).
Іs-sharanyń maqsaty – kásipkerlerdi qoldaý jáne damytý, sondaı-aq halyqaralyq yntymaqtastyqty nyǵaıtý.
Ǵasyrlar boıy tájik mádenıeti parsy men túrki áleminiń dástúrin boıyna sińirip kelgen. Tájikstannyń basty erekshelikteriniń biri – Shyǵystyń rýhyn jetkizetin túrli-tústi bazarlar.
Іs-shara elorda turǵyndary men qonaqtaryna sapaly ónimder men sheberlerdiń buıymdaryn satyp alýǵa ǵana emes, sonymen qatar shyǵys bazarynyń erekshe atmosferasyn sezinip, shyǵys ashanasynyń dámdi taǵamdarynan dám tatýǵa múmkindik beredi.
Jármeńke 16 tamyz kúni 11:00-den 19:00-ge deıin, al 17 tamyz kúni 10:00-den 19:00-ge deıin «Barys Arena» mańyndaǵy aýmaqta ótedi.
Buǵan deıin