Onlaın-kazıno oıynyn uıymdastyrǵan qylmystyq toptyń qyzmeti toqtatyldy

ASTANA. KAZINFORM — Kúdiktiler 2022-2024 jyldar aralyǵynda uıymdasqan qylmystyq top quryp, «bingo37.pro» platformasy arqyly zańsyz oıyn bıznesin basqarǵan.

Qatysýshylardan aqshalaı básti operatorlar banktik aýdarym arqyly qabyldaǵan, sodan keıin olardy platformaǵa tirkep, oıynǵa qatysý úshin logın, parol jáne silteme usynǵan.

- Qylmystan túsken tabysty zańdastyrý maqsatynda kúdiktiler droptardy — kóldeneń adamdardy tartyp, olardyń atyna bank kartalaryn rásimdegen. Aqshanyń qylmystyq izin jasyrý maqsatynda osy kartalar arqyly olar qomaqty aqsha somalaryn qolma-qol aqshaǵa aınaldyryp otyrǵan, - delingen QMA habarlamasynda. 

Zańsyz onlaın-kazınonyń qyzmetinen kún saıyn 150 000 teńgeden 200 000 teńgege deıin aqsha túsip otyrǵan.

Toptyń jalpy qylmystyq tabysy 306 mıllıon teńgeden asqan.

Qarjylyq tergeý barysynda kúdiktiler zańsyz alynǵan aqshaǵa jalpy quny 66 mıllıon teńge bolatyn «Toyota Land Cruiser» jáne «Lexus EC 250» markaly eki avtokólik alǵany anyqtaldy.

Osy kólikterdi tárkileý múmkindiginen jasyrý maqsatynda senimdi adamdardyń atyna rásimdegen.

Sot  sanktsııasy boıynsha atalǵan avtokólikterge tyıym salyndy.

Uıymdastyrýshylarǵa qatysty sot kúzetpen ustaý túrindegi bultartpaý sharasyn tańdady.

Sotqa deıingi tergeý jalǵasyp jatyr.

QPK 201-baby boıynsha tergeý múddesi úshin basqa aqparattyń taratylýyna tyıym salynǵan.

Eske salsaq úsh oblysta tek sheteldikterge arnalǵan kazınolar ashylatynyn jazǵan edik.