Kúnkóristiń eń tómengi deńgeıi 20 380 teńge - aqpan aıy

ASTANA. QazAqparat - 2016 jylǵy aqpan aıy boıynsha kúnkóristiń eń tómengi deńgeıi 20 380 teńge boldy. Bul týraly Ulttyq ekonomıka mınıstrligi Statıstıka komıtetiniń baspasóz qyzmeti habarlady.

«Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2016 jylǵy aqpanda ótken aımen salystyrǵanda 1,2%, 2015 jylǵy aqpanmen - 7%-ǵa joǵarylady», delingen habarlamada.

Kúnkóristiń eń tómengi deńgeıi et pen balyqty satyp alýǵa jumsalǵan shyǵystardyń úlesi 21,1%, sút, maı jáne toń maı ónimderi men jumyrtqany - 17,9%, jemister men kókónisterdi - 9,8%, nan jáne jarma ónimderin - 8,6%, qant, shaı jáne dámdeýishterdi - 2,6%-dy qurady.