Kúnine neshe lıtr sý ishý kerek - VVS
NUR-SULTAN. QazAqparat - Mamandar sharshaǵanda nemese teri qurǵaǵanda dáriniń ornyna sý ishýge keńes beredi. VVS basylymynyń jazýynsha, 19 ǵasyrda tipti gıdropatııa, ıaǵnı sýmen emdeý ǵylymynyń negizi qalanypty. Degenmen, búgingi tańda bireýler kúnine eki lıtr sý ishý kerek dese, biri shól qysqanda ǵana sý ishý kerektigin aıtyp jatyr. Basylym osy máseleni jan jaqty taldap jazady, dep habarlaıdy QazAqparat.
«Kún saıyn sý ishý densaýlyqtyń jaqsy bolýyna áser etedi, energııa artyp, teri jaqsarady. Artyq salmaq ketip, obyr dertiniń aldyn alady. Mine, aınalamyzda osyndaı aqparat kóbeıip ketti. Sonymen qatar «8x8» erejesi paıda boldy. ıAǵnı, kúnine 8 stakan sý ishý kerektigi aıtylyp jatyr», deıdi avtor. Onyń aıtýynsha, bul erejeniń esh ǵylymı negizi joq.
«1945 jyly AQSh Ulttyq zertteý keńesi ár kalorııaǵa bir mıllılıtr sý ishý kerektigin aıtqan. ıAǵnı, 2000 kalorııa tamaq iship dıateda otyrǵan áıelder eki lıtr sý ishýleri kerek degen sóz. Qazirgi ereje osy jaǵdaıdyń qate túsindirýinen týǵan bolýy múmkin», dep jazady basylym. Avtordyń aıtýynsha, 1974 jyly shyqqan dıetologtardyń kitabynda da kúnine alty - segiz staqan sý ishýge keńes berilgen.
«Mamandardyń kóbi sýdyń mólsherine qatysty alańdamaý kerektigin aıtyp keledi. Aǵzaǵa sý qajet kezde ol ózi belgi beredi. Sýdy óte kóp ishý tek artyq salmaqtan arylýǵa kómektesedi», deıdi avtor.
