Kúnine eki tostaǵan kakao ishken qarttardyń este saqtaý qabileti jaqsarady
ASTANA. 9 tamyz. QazAqparat - Júıeli túrde ystyq shokoladty nemese kakaony paıdalaný egde jastaǵy adamdardyń este saqtaý qabiletin jaqsartady.
VVS-diń jazýynsha, Garvard ýnıversıteti ǵalymdarynyń zertteýine qaraǵanda bir aı boıy kúnine eki márte quramynda kakaosy bar sýsyndy ishý arqyly mıdyń qan aınalymyn aıtarlyqtaı jandandyrýǵa bolady. Bul óz kezeginde este saqtaý qabiletin jaqsartýǵa múmkindik beredi eken.
Zertteýge 60 adam qatysqan jáne olardyń ortasha jasy 63-ti qurap otyr.
Ulybrıtanııanyń Altsgeımer indetimen syrqat adamdar qoǵamynyń pikirinshe, amerıkalyq ǵalymdardyń zertteý aýqymy bolmashy ǵana, alaıda bul baǵyttaǵy atalǵan ǵalymdardyń jumystary úmit otyn uıalatady. Atap aıtqanda kakaonyń adamnyń este saqtaý qabiletine áser etýin zertteý sharalary jalǵasýda.
