Kúnine 8 myń ret túshkiretin qyz (VIDEO)

ASTANA. QazAqparat - Brıtanııalyq Kolchester qalasynda Aıra Saksena esimdi qyz únemi túshkirip júredi, ol kúnine segiz myń ret túshkirýi múmkin.

Ata-anasy bul dertti qalaı emdeýge bolatynyn bilmeıdi, dep jazdy Mirror basylymy. Belgisiz aýrý saldarynan bala mektepke barýdy qoıǵan jáne zamandastarymen serýendeı de almaıdy.

Anasynyń sózine qaraǵanda, qyz sharshaǵansha, tańerteńnen keshke deıin túshkiredi eken.

 Bul derttiń shamamen bir aı buryn paıda bolǵany týraly atalyp ótildi. Bastapqyda olar allergııa dep oılaǵan, alaıda esh dáriniń kómektespegeni belgili bolǵan soń anasy alańdaı bastady. Dárigerlerdiń de ázirge qolynan eshteńe kelmeı otyr.