Kúnine 5 shaı qasyq qana qant tutyný qajet - Ǵylymı zertteý
ASTANA. QazAqparat - Adam kúndelikti 5 shaı qasyq qana qant tutynýy kerek. Nıýkasl Ýnıversıtetiniń zertteýshileri osyndaı pikirge keldi. Ǵalymdardyń aıtýynsha, eger osy talapty adam berik ustansa, ol júrek aýrýynan, qant dıabetinen jáne tis aýrýynan saqtana alady, dep jazady The Telegraph.
Dúnıejúzilik densaýlyq saqtaý uıymy jalpy tutynatyn kalorııa quramynda qanttyń úlesi 10 paıyzdan aspaýy kerektigin 1990 jyldan beri eskertip keledi. Bul shamamen er adamdar úshin 70 gramm, áıelderge 50 gramm qant. Al, zertteýshiler sońǵy tujyrymda tipti, onyń mólsherin 5 paıyzǵa deıin tómendetý kerektigin eskertip otyr. Onyń sebebi, qazir tátti sýsyndar men tamaqtardyń quramynda qanttyń kóbeıýi bolǵan.
