Kúnine 2 lıtr sý ishý durys pa?
ASTANA. QazAqparat - Sý ýaqyt talǵamaıdy, biraq kólem talǵaıdy. Kúnine 2 lıtr sý ishý kerek degen qaǵıda durys pa? Suraqtyń jaýabyn jáne sýdyń múmkindikterin birge anyqtap kóreıik, dep jazady «Massaget» portaly.
Bizge sýdyń qandaı mólsheri kerek?
Ádette kópshilik adam kúnine 2 lıtr sý ishýi tıis deıdi. Biraq barlyq adam ártúrli, olardyń aǵzasy, salmaǵy, jas ereksheligi birdeı emes. 2 lıtr sý ishý kerek dep jaı aıta salý ońaı. Degenmen, keı adamdar sýdy kóp qajet etetin jumys jasaýy múmkin. Kúnine er adam men áıel adamnyń qansha lıtr sý ishý kerektigin anyqtaıtyn mynadaı formýla bar:
- Er adam: óz salmaǵyn 35-ke kóbeıtedi.
- Áıel adam: óz salmaǵyn 31-ge kóbeıtedi.
Nátıje mıllımetrmen kórsetiledi. Shamamen sondaı kólemde sý ishkeni abzal.
Sýdy qalaǵan ýaqytta ishýge bolady
Ǵalymdar sýdy ishý normasyn shamamen joǵarydaǵydaı eseptedi. Endigi qyzyqtyryp júrgen másele: sýdy qaı ýaqytta ishý kerek? Tamaqtan keıin be? Uıqydan oıanǵanda sý ishý durys pa? Túski astan keıin sý ishse ne bolady? Keı bilgishter asqa qaraǵanda sýdy kóp iship turý kerek, asqazan sóli tez bólinedi dese, endi biri as qorytylmaı qalady, kóp ishpegen durys deıdi. Biraq osy týrasynda ótkizilgen neshe túrli tájirıbeler sýdyń eshqashan artyq etpeıtinin dáleldegen. Qansha qalasańyz da ishe berińiz. Sý ishý mádenıetinde tek aǵzany mıneraldy sýmen emdeý kezinde ǵana shekteý qoıylady. Dáriger emdik mıneraldy sýdy usynyp, kúnine neshe ýaqyt jáne qalaı ishý kerektigin aıtady.
Sý emdeıdi
Eger juqpaly aýrýǵa shaldyqsańyz, mindetti túrde jyly sý ishińiz. Ásirese, ókpe aýrýlary kezinde qanjyly sý kómektesedi. Sebebi, kóp mólsherdegi jyly sý ókpedegi silekeı qabyǵynyń qurǵamaýyna jáne qannyń qoıýlanbaýyna septigin tıgizedi. ıAǵnı bul - jyly sýdyń kómegimen vırýstardy ókpeden tez joıýǵa bolady degen sóz.
Sý tynyshtandyrady
Mazasyzdanǵan adamǵa ne úshin bir staqan sý usynady? Árıne, sabasyna túsip, esin jınaý úshin beredi. Tolqyp turǵan adamǵa «tereń tynys al» degen keńesti tekten-tek bermeıdi. Sýdy da tekten-tek usynbaıdy. Mazasy qashqan adam sý ishkende mı júıke ortalyqtaryn retteıdi. Sý ishken kezde aqyryn tynystaýymyz kerek. Yqylyq atqanda da adam sý ishedi. Munda da sý joǵarydaǵy fýnktsııamen qyzmet etedi.
Shól men sý
Bizdiń aǵzamyzda ashtyq pen shólge jeke-jeke jaýap beretin sensorly mehanızm joq. Sol sebepti, shól men ashtyqty jıi shatastyryp jatamyz. Biraq ashtyq qatty qysyp ne shól shydatpaı jatsa, bul ekeýin ajyratý ońaı. Keıde ne shóldep, ne qarnyń ashyp turǵanyn ajyrata almaısyń. Biraq, qaryn ashyp tursa, birden qýyrdaq jeı salý durys emes. Asqazandy sýmen shaıý kerek, ıaǵnı bir staqan sý iship alý qajet.
Sýdyń jetispeýshiliginen...
Bizdiń mıymyzda 75% sý bar. Eger mıdaǵy sý 2%-ǵa azaısa, mı muny birden sezedi. Keshke qaraı óz-ózińizdi basqara almaı, kózdiń aldy qaraýytyp, uıqy keledi. Bul rette birden kofe emes, sý ishý kerek. Aǵzamen qosa mı da oıanady. Eń durysy jumys ústelińizge bir staqan sý alyp otyryńyz.
