Kúnine 1000 tvıt: Ilon Mask Twitter-de oqýǵa bolatyn jazbalarǵa lımıt qoıdy

ASTANA. QazAqparat - Twitter jazbalaryn oqýǵa jańa ýaqyt shekteýi engiziledi. Tekserýden ótken paıdalanýshylar - kúnine 10 myń, tekserilmegen akkaýnttar - 1 myń, tekserilmegen jańa akkaýnttar - 500 tvıtti ǵana qaraı alady, dep habarlaıdy QazAqparat.

Bul jaıynda Ilon Mask óziniń Twitter paraqshasynda málim etti.

Ol senbi kúni kúndelikti oqýǵa bolatyn jazbanyń sanyn úsh ret ózgertti.

Birese verıfıkatsııalanǵan paıdalanýshylarǵa - 6 myń, odan ótpegenderge - 600, al jańa qoldanýshylarǵa - 300 dese, sodan keıin lımıtti sáıkesinshe 8 myń, 800 jáne 400-ge deıin kóterdi.

Eń sońǵy postynda ol aqyry tekserýden ótken paıdalanýshylarǵa - kúnine 10 myń, tekserilmegen akkaýnttarǵa - 1 myń, jańa akkaýnttarǵa - 500 tvıt oqýǵa bolady degen mejeni bekitti.

Mask mundaı tyıym «derekterdi jınaý men júıeni basqarýdyń óte joǵary deńgeıine» baılanysty engizilip otyrǵanyn túsindirdi.

Buǵan deıin Twitter kóp qoldanýshylary áleýmettik jeli jumysy irkilgenin aıtyp shaǵymdanǵan edi.