Kúnine - 1 239 teńge: Mınıstr sport tóreshileriniń az jalaqy alatynyn aıtty

ŞÝChINSK. QazAqparat – Elimizde sport tóreshileriniń eńbekaqysyn arttyrý máselesi qaralyp jatyr. Bul týraly QR Mádenıet jáne sport mınıstri Dáýren Abaev málim etti, dep habarlaıdy QazAqparat tilshisi.

«Elimizde 4 276 sport tóreshisi bar. Onyń ishinde 413 maman, ıaǵnı 10 paıyzy halyqaralyq sanatqa ıe. Aıtar bolsaq, Tokıo-2020 olımpıadasyna 12 tóreshi tartyldy. Qaýymdastyqtyń málimetinshe, tóreshilerdi daıarlaýdaǵy basty problema - eńbekaqy», - dedi Dáýren Abaev Şýchınskide ótip jatqan XXIV qysqy olımpıada oıyndarynyń qorytyndysyna arnalǵan keńeıtilgen otyrysta.

Mınıstrdiń aıtýynsha, tóreshilerdiń jalaqysy tómen.

«Sport jarystarynda bir kúndik qyzmeti úshin tóreshilerge 1 239 teńgeden tólenedi. Menimshe, bul salyq shegerimin eseptemegendegi soma. Bul rette tóreshiler men olardy daıarlaýǵa joǵary talaptar qoıylady. Tóreshilerdiń áleýmettik jaǵdaıy men jalpy bedelin arttyrý maqsatyndaǵy sharany qolǵa alamyz. Qazirgi tańda jalaqyny arttyrý máselesi qaralyp jatyr», - deıdi ol.

Buǵan deıin mınıstr Beıjiń olımpıadasynyń qorytyndysyna qatysty túsinik bergen edi.