Kúni-túni smartfonmen oınaǵan boıjetken kózden aıyryldy
ASTANA. QazAqparat - Qytaıdyń Gýandýn provıntsııasyndaǵy Dýngýan qalasynda jas qyz smartfon oınap otyryp, soqyr bolyp qaldy.
South China Morning Post basylymynyń habarlaýynsha, 21 jastaǵy qyz uıaly telefonymen kúni boıy toqtaýsyz oıyn oınap otyrǵan. Janary talǵan qyz aýrýhanaǵa jetkizilip, dárigerler onyń oń kóz tory okklıýzııaǵa shaldyqqanyn anyqtaǵan. Dárigerler buǵan telefonǵa uzaq ýaqyt qadalyp otyrǵandyqtan kózge shekten tys salmaq túskeni sebep bolǵanyn aıtady.
«Jumysqa barmaıtyn kúnderi ádette tańǵy 6-da turyp tamaqtanyp, keshki 4-ke deıin telefonmen oınaıtynmyn. Sonan soń túski asymdy iship, azdap myzǵyp alǵan soń túngi 1-ge deıin taǵy da telefonǵa úńilýshi edim», - deıdi boıjetken.
