Quny 9,2 mlrd teńge zalal keltirgen atyshýly uıymdasqan top músheleri tergelip jatyr — QMA
ASTANA. KAZINFORM — QMA sot úkimi boıynsha tárkilenýge jatatyn tyıym salynǵan múlikti zańsyz satý faktisi boıynsha tergeý júrgizip jatyr. Bul týraly agenttiktiń baspasóz qyzmeti málim etti.
Eske salsaq, buǵan deıin Agenttik «AV-Construction» JShS, «Stekolnyı zavod» JShS, «Shalqar 17» JShS, «Bahar-A» JShS jáne basqa da kásiporyndardy reıderlik basyp alý faktileri boıynsha Qospaevtyń UQT qatysty tergeýdi aıaqtaǵan bolatyn.
Tárkileýdi qamtamasyz etý maqsatynda sot quryltaıshysy Aıdos Qospaev bolyp tabylatyn «Nikolsky Investment» JShS tıesili Almaty qalasyndaǵy «Nıkolskıı» bazarynyń aýmaǵynda ornalasqan jer ýchaskesi men múlikke tyıym salǵan. Alaıda, aǵymdaǵy jyldyń qyrkúıek aıynda «Azamattarǵa arnalǵan úkimet» KEAQ bazasyna jalǵan aqparat engizý arqyly bazardy sheteldikterge satý maqsatynda bógde adamdarǵa qaıta resimdeý júzege asyrylyp, shekteýler alynyp tastalǵan. Al, 5 qazanda quny 2,2 mlrd teńge bolatyn múlik pen jer ýchaskesi sheteldik ınvestorlarǵa odan ári satý maqsatynda bógde tulǵalarǵa qaıta resimdelgen.
Agenttik alaıaqtyq úshin buryn sottalǵan úsh adamdy anyqtap, ustady. Olarǵa qatysty sot sanktsııasymen «Qamaýda ustaý» túrindegi bultartpaý sharasy tańdaldy.
Sondaı-aq, jalǵan qujattar jasap, múlikti ıelikten shyǵarýǵa yqpal etken sybaılas anyqtaldy.
Tergeý jalǵasýda. QR QPK-niń 201-baby tártibindegi ózge de aqparat jarııa etýge jatpaıdy.
Eske sala keteıik, buǵan deıin Qarjylyq monıtorıng agenttigi 150 myńǵa jýyq aktsızsiz temeki satýshylardy quryqtaǵan bolatyn.
Vıdeo: QMA