Quny – 8 mlrd teńge: munaı ónimin shetelge zańsyz tasymaldaǵandar ustaldy

ASTANA. KAZINFORM – Іshki ister mınıstrligi munaı ónimderin urlaý, zańsyz tasymaldaý jáne kontrabanda faktilerin anyqtaý jáne jolyn kesý boıynsha keshendi jumysty jalǵastyryp jatyr, - dep jazdy Polisia.kz.

Qarasha aıynda Aqtóbe oblysynda polıtseıler munaı óńdeýdiń bastapqy ónimin jalǵan qujattar arqyly urlaý jáne tasymaldaýmen aınalysqan adamdar tobynyń áreketin áshkereledi. Eki óńirde uıymdastyrýshylardyń nusqaýymen shamamen 60 tonna munaı ónimin zańsyz tasymaldaǵan júk kólikteriniń júrgizýshileri ustaldy.

Turǵyn úıler men bir kásiporynda júrgizilgen tintýler barysynda shamamen 400 tonna munaı ónimi, sondaı-aq atys jáne gaz qarýlary, zańǵa qaıshy operatsııalardy rastaıtyn qujattar tárkilendi. Basqa qylmystyq is sheńberinde shetelge munaı ónimderin kontrabandalyq jolmen shyǵarý arnasyna tartylǵan kompanııanyń qyzmeti tekserilip jatyr. Aldyn ala derekter boıynsha kásiporyn quny shamamen 8 mlrd teńge bolatyn 30 myń tonnadan astam janarmaıdy eksporttaǵan.

Qazan aıynda memlekettik shekaradaǵy temirjol ótkizý pýnktteriniń birinde osy kompanııaǵa tıesili, kórshi memleketke 300 tonna janarmaı alyp bara jatqan tórt vagon anyqtaldy. Anyqtalǵan barlyq derek boıynsha sotqa deıingi tergeý júrgizilip jatyr, tıisti saraptamalar taǵaıyndaldy.

Tergeý múddesine baılanysty ózge málimetter jarııa etýge jatpaıdy.

ІІM munaı ónimderin urlaý faktilerin anyqtaý boıynsha jumysty jalǵastyrady.

Aıta keteıik, Túrkistan oblysynda munaı ónimin kontrabandalaǵan qylmystyq top músheleri sottaldy.

Qazaqstan 7 jylda 6 mln tonna munaı ónimin syrttan satyp alǵan.