Quny 7,5 mlrd teńge bolatyn esirtki dozasy aınalymnan alyndy - ІІM
ASTANA. KAZINFORM – «Qarasora» operatsııasy kezinde sıntetıkalyq esirtki óndiretin 15 esirtki zerthanasy anyqtaldy. Bul týraly ІІM resmı ókili Shyńǵys Álekeshev málim etti.
Onyń atap ótýinshe, «Qarasora-2024» operatsııasy barysynda Ulttyq ulannyń (MI-171) eki tikushaǵynyń kómegimen Almaty, Qyzylorda, Túrkistan, Jetisý jáne Ulytaý oblystarynyń aýmaqtarynda, ıaǵnı jalpy aýdany 600 myń sharshy shaqyrymǵa jýyq jerde áýe barlaýy júrgizildi. Barlyǵy 42 ushý júzege asyryldy.
«Jalpy salmaǵy 3 tonna bolatyn 15 myńnan astam «úndi» jáne «golland» qarasoranyń butalary joıyldy. ıAǵnı, aınalymǵa esirtkiniń 166 myńnan astam bir rettik dozasy jiberilmedi. Onyń qara naryqtaǵy ortasha quny 7,5 mlrd teńge bolýshy edi. 12 kúdikti, onyń ishinde izdeýde júrgen bir qylmysker ustalyp, ýaqytsha ustaý ızolıatoryna qamaldy. Eki atys qarýy tárkilendi. Jambyl oblysynyń Shý aýdanynda 380 gektardan astam alqapta 100 tonnadan astam jabaıy qarasora joıyldy «Qarasora» operatsııasy kezinde sıntetıkalyq esirtki óndiretin 15 esirtki zerthanasy anyqtaldy. Olardan 55 keli sıntetıka jáne 3 tonna túrli prekýrsor tárkilendi», - dedi Shyńǵys Álekeshev.
