Quny 74 mln teńgeden artyq ıpoteka alǵandar da deklaratsııa tapsyrady
ASTANA. KAZINFORM – Qarjy mınıstri Mádı Takıev Májilis otyrysynan keıin jýrnalısterdiń suraǵyna bergen jaýabynda quny 74 mln teńgeden asatyn aktıv ıelengen azamattar nege deklaratsııa tapsyrýǵa mindetteletinin túsindirdi.
«Mysaly men 80 mln teńgeniń úıin ıpotekaǵa aldym deıik. Onyń 40 mln teńgesin ózim salyp, qalǵanyn bankten nesıege alsam, deklaratsııadan bosatylam ba?» - dep surady jýrnalıst.
Mınıstr mundaı operatsııalarda mámileniń aqtyq somasy eskeriletinin aıtty.
«Mundaı jaǵdaıda siz de deklaratsııa tapsyrasyz. Deklaratsııa tapsyrǵanda eki kózdi kórsetesiz: 40 mln teńge óz qarajatyńyz, qalǵan 40 mln teńge «Otbasy bankten» alynǵan qaryz dep. Qaryz bolsa da qaramaıdy. Siz aıtyp turǵan 74 mln teńge 20 myń aılyq eseptik kórsetkishti bildiredi. Nelikten bul somany aldyq? Bizde jalpy esep bolǵan, biz endi Qazaqstanda 1991 jyldan bastap ortasha jalaqymen qansha aqsha jınaýǵa bolady degen ruqsat qoıylǵan. Sol mejemen alǵanda búgin osy somaǵa jetip qaldyq», - dedi Mádı Takıev.
Buǵan deıin ol Qazaqstanda nemese shetelde ózindik quny 20 000 AEK-ten (74 mln teńge) asatyn múlik satyp alǵandarǵa 270-nysanyn tapsyrý mindetti bolatynyn aıtqan edi.
