Quny 50,8 mln teńge 1183 gektar jer memleket menshigine qaıtaryldy
ASTANA.KAZINFORM — Qostanaı oblysy prokýratýrasy uzaq ýaqyt boıy jerdi maqsaty boıynsha paıdalanbaǵan jer paıdalanýshylaryn anyqtady.
Qostanaı oblysy Uzynkól aýdanynyń prokýratýrasy qadaǵalaý jumysy barysynda Jer kodeksiniń talaptaryn buzyp, uzaq ýaqyt boıy jerdi maqsaty boıynsha paıdalanbaǵan jer paıdalanýshylaryn anyqtady.
Qabyldanǵan sharalarmen kadastrlyq quny 50,8 mıllıon teńge bolatyn 1183 gektar jer memleket menshigine qaıtaryldy.
Qaıtarylǵan jer ýchaskeleri aýdannyń arnaıy jer qoryna engiziledi jáne jer zańnamasyna sáıkes sharýa (fermer) sharýashylyǵyn júrgizý úshin azamattarǵa qaıta bólinedi.
Aıta ketelik Almatyda quny 17 mlrd teńge bolatyn jer telimi memleketke qaıtarylǵan edi.
