Quny 34 mln teńgeden asatyn esirtki: ShQO polıtsııasy iri tasymaldaýshyny qolǵa túsirdi

ASTANA. KAZINFORM — ShQO-da esirtkini asa iri mólsherde taratýmen aınalysqan kúdikti ustaldy, dep habarlaıdy ІІM baspasóz qyzmeti.

Shyǵys Qazaqstan oblysy polıtsııa departamentiniń esirtki qylmysyna qarsy is-qımyl basqarmasy, oblys prokýratýrasynyń úılestirýimen, sıntetıkalyq esirtkini asa iri mólsherde jasyryn taratýmen aınalysqan kórshiles oblystyń 27 jastaǵy turǵynyn ustady.

Jeke tintý barysynda kúdiktiden aq tústi untaq salynǵan polımerli paket tabylyp, tárkilendi. Odan keıin onyń turǵylyqty jerin tekserý kezinde qyzǵylt tústi untaq salynǵan taǵy bir paket, sondaı-aq esirtkini bólip-qaptaýǵa arnalǵan quraldar — bes elektrondyq tarazy men arnaıy qaptamalar anyqtaldy.

— Saraptama qorytyndysy tárkilengen zattardyń mefedron (496,71 g) jáne «A-PVP» (581,13 g) sııaqty psıhotroptyq zattar ekenin rastady. Buǵan qosa polıtseıler kúdiktiniń jasyryn oryndarynyń birinen shamamen 500 gramm sıntetıkalyq esirtkini qosymsha tárkiledi. Jalpy alynǵan esirtkiniń salmaǵy 1,5 keliden asyp, bul shamamen 5 000 bir rettik dozaǵa teń. Onyń qara naryqtaǵy quny 34 mln teńgeden joǵary baǵalanady. Tergeý barysynda kúdiktiniń qazan aıynda óńirge kelip, qalanyń túrli aýmaqtarynda esirtkini jasyryn oryndarǵa kezekpen qoıýmen aınalysqany anyqtaldy. Atalǵan derek boıynsha sotqa deıingi tergep-tekserý bastalyp, kúdikti ýaqytsha ustaý ızolıatoryna qamaldy, — delingen mınıstrlik habarlamasynda.

Polıtsııa esirtki qoldaný men ony taratý — adamnyń densaýlyǵyna zalal keltiretin, bostandyqtan aıyratyn jáne qoǵamǵa zor qaýip tóndiretin aýyr quqyq buzýshylyq ekenin eskertedi. Turǵyndardan kez kelgen kúmándi jaǵdaıdy nemese beıtanys azamattardyń kúdik týdyrǵan áreketterin dereý polıtsııaǵa habarlaýdy suraıdy.

Osydan buryn UQK esirtki jetkizýdiń 3 halyqaralyq jáne 3 aımaqtyq arnasyn joıǵany anyqtaldy.