Quny 300 mln teńgeden asatyn 20 jyljymaıtyn múlikti zańsyz ıelenbek bolǵandar anyqtaldy

Azamattyq isterdi taldaý nátıjeleri boıynsha Jambyl oblysynyń prokýratýrasy naryqtyq quny 300 mln teńgeden asatyn 20 jyljymaıtyn múliktiń menshik quqyǵyn zańsyz ıemdený shemalaryn anyqtady, dep habarlaıdy Kazinform QR Bas prokýratýrasynyń baspasóz qyzmetine silteme jasap. 

Qaskúnemder Taraz qalasynda ıeleri qaıtys bolǵan nemese basqa memleketke kóship ketken ıesiz páterler men úılerdi anyqtap, jalǵan quqyq belgileıtin qujattardy jasap, basqa tulǵalarǵa satý maqsatynda jeke bas paıdasyna olardy ıemdengen.

Atalmysh qylmystar zańsyz sheshimderdiń qabyldanýyna yqpal etken sotqa qoldan jasalǵan dáleldemelerdi usyný, jalǵan sot sheshimderin, zańsyz notarıattyq is-áreketter jasaý arqyly júzege asyrylǵan.

Oblys prokýratýrasy páterlerdi zańsyz ıemdený faktileri boıynsha QR QK-niń 190-babynyń 3-bóligi boıynsha 6 qylmystyq is tirkedi.

Azamattyq kodekstiń talaptaryna sáıkes menshik ıeleri (ósıet boıynsha jáne zań boıynsha muragerler) bolmaýyna baılanysty atalǵan obektiler ákimdiktiń talap qoıýlary boıynsha sottyń ıesiz dep tanylýyna jáne kommýnaldyq menshikke aınalýyna jatatynyn atap ótý kerek.

Byltyrǵy jyly 20 obektiniń 3-eýi boıynsha 1 adam 5 jylǵa bas bostandyǵynan aıyryldy.

Aǵymdaǵy jyly Taraz qalasy №2 sotynyń 2023 jylǵy 6 qazandaǵy úkimimen 2 páterdi jymqyrǵany úshin eki tulǵa 2-den 4 jylǵa deıingi merzimge bas bostandyǵyn shekteý jazasyna sottaldy.

Sot úkimi zańdy kúshine engen joq.

Jyljymaıtyn múliktiń qalǵan 15 obektisi boıynsha sotqa deıingi tergep-tekserý júrgizilýde.

Qazirgi ýaqytta oblys prokýratýrasynyń usynýy boıynsha jergilikti atqarýshy organdar jyljymaıtyn múlikti memleket kirisine qaıtarý jóninde sharalar qabyldaýda.