Quny – 29,8 mlrd teńge: SQO-da paıdalanylmaı jatqan jer memleketke qaıtaryldy

PETROPAVL. KAZINFORM – Aqjar, Esil, Tımırıazev, Ýálıhan aýdandary men Ǵ.Músirepov atyndaǵy aýdannyń jer paıdalanýshylary Jer kodeksiniń talaptaryn buza otyryp, aýyl sharýashylyǵy maqsatyndaǵy 45 jer ýchaskesin uzaq ýaqyt boıy maqsatyna saı paıdalanbaǵan.     

SQO prokýratýrasy málimetinshe, Petropavl qalasynda kásipkerlik sýbektisi Kodeks talaptaryna qaıshy túrde úsh jyl boıy kommertsııalyq maqsatqa arnalǵan, jalpy aýdany 123 gektar bolatyn jer ýchaskesin paıdalanbaǵan.

Prokýrorlyq qadaǵalaý aktileri negizinde jalpy aýdany 33,2 myń gektardy, kadastrlyq quny 29,8 mlrd teńge bolatyn 36 jer ýchaskesi memleket menshigine qaıtaryldy.

Memleket basshysynyń 2024 jylǵy 2 qyrkúıektegi Joldaýyna sáıkes, jergilikti atqarýshy organdar qaıtarylǵan jerdi adal nıetti jer paıdalanýshylarǵa berý boıynsha jumystar júrgizip jatyr.

Aıta keteıik, Soltústik Qazaqstan oblysynda aýyz sýmen qamtý máselesin sheshý úshin QR Sý resýrstary jáne ırrıgatsııa mınıstrligi 9 iri jobany iske asyryp jatyr.