Quny 26 mlrd teńge — ShQO-da maıly daqyldardy óńdeý jobasy iske asyrylýda
ASTANA. KAZINFORM - ShQO-da quny 26 mlrd teńge bolatyn maıly daqyldardy qaıta óńdeý jobasy iske asyrylýda, dep habarlaıdy QR AShM baspasóz qyzmeti.
Shyǵys Qazaqstan oblysy elimizdegi kúnbaǵys maıyn óndirý boıynsha kóshbasshy orynda.
Maı salasy Shyǵys Qazaqstan oblysynyń agroónerkásiptik keshenin damytýdyń neǵurlym perspektıvaly baǵyttarynyń biri bolyp tabylady jáne óńdelgen aýyl sharýashylyǵy ónimi kóleminiń 60% -dan astamyn alady.
Óńirde maıly daqyldardy qaıta óńdeý salasynda 12 kásiporyn jumys isteıdi, onyń ishinde 3-bótelkedegi dezodoratsııalanǵan tazartylǵan kúnbaǵys maıyn óndirýmen aınalysady. Olarmen 255 myń tonna ósimdik maıyn óndirý qamtamasyz etildi, bul QR boıynsha kúnbaǵys maıynyń jalpy óndirisiniń 38%, tazartylǵan maı boıynsha 52% qurady. Kásiporyndardyń júktemesi 68% quraıdy.
Óńirde «ALTAI MAI» JShS jańa maı ekstraktsııalyq zaýytynyń qurylysy aıaqtalýda. Qýattylyǵy kúnine 500 tonna maıly daqyldardy qaıta óńdeý jónindegi jobanyń quny 26 mlrd teńgeden asady.
Bótelkedegi tazartylǵan kúnbaǵys maıyn óndirýdiń tolyq tsıkli kózdeletin kásiporyndy iske qosý oblys boıynsha ósimdik maıyn óndirý kólemin 2025 jyly 350 myń tonnaǵa deıin jetkizýge múmkindik beredi.
2025 jyly óńirde «Altyn Shyǵys» JShS maıdy tazartý tsehynyń qurylysy josparlanǵan. Joba somasy 8 mlrd. teńgeni quraıdy. 2025 jylǵy jeltoqsanda paıdalanýǵa berý josparlanǵan.
Jańa kásiporyndardy shıkizatpen qamtamasyz etý úshin 2024 jyly kúnbaǵys, raps, zyǵyr jáne soıa egistik alqaptary 13 myń gektarǵa ulǵaıtylyp, 223 myń gektardy qurady.
Maıly daqyldardyń jalpy jınaǵy ótken jyldyń deńgeıine qaraı 67,3 myń tonnaǵa artyp, 423,1 myń tonnany quraıdy dep kútilýde.
«Azyq-túlik kelisim-shart korporatsııasy» UK» AQ qatysýymen óńirde kúnbaǵys maıyn úshjaqty forvardtyq satyp alý boıynsha pılottyq baǵdarlama iske asyrylýda. Bul mehanızm kóktemgi egis jumystaryn qaıta óńdeýshiler arqyly júrgizý úshin aýyl sharýashylyǵy taýaryn óndirýshilerdi qarjylandyrýǵa múmkindik beredi.
Osy baǵdarlama sheńberinde «OskemenAgroProdukt» JShS azyq-túlik korporatsııasy arqyly 91 myń lıtr (380 tg/l) kóleminde kúnbaǵys maıyn jetkizý úshin 34,6 mln.teńge somasyna qarjylandyryldy.
Osy baǵdarlamaǵa qatysý úshin kompanııa tazartý (dezodoratsııa) tsehyn jáne quıý jelisin iske qosý boıynsha 670 mln.teńge somasyna ınvestıtsııalyq jobany iske asyrady. Tsehty iske qosý 2024 jyldyń kúzine josparlanǵan.
