Quny 200 mln teńgeden asatyn 60 tonnadan astam balyq ónimi Qazaqstannan zańsyz eksporttalǵan
ASTANA. KAZINFORM — Qarjylyq monıtorıng agenttigi balyq óniminiń «kókserke fılesi» asa iri mólsherde kontrabandasy faktisi boıynsha tergeýdi aıaqtady. Bul týraly agenttiktiń baspasóz qyzmeti habarlady.
«Tergeý barysynda 2021 jyldyń qazanynan 2022 jyldyń qyrkúıegine deıin mekeme basshysy zańsyz aýlanǵan balyqty satyp alyp, ony keıinnen Eýroodaq elderine eksporttaǵany anyqtaldy. Bul rette eksportqa ruqsat berý qujattaryn alý úshin balyqty qoldan ósirýge múmkindigi joq sharýa qojalyǵynan taýardyń shyǵý tegi týraly jalǵan qujattar alynǵan», — delingen habarlamada.
Sot úkimimen kúdiktige satylǵan balyq óniminiń kedendik qunyn memleket kirisine óndirip ala otyryp, 1000 AEK mólsherinde aıyppul túrinde jaza taǵaıyndaldy. Úkim zańdy kúshine engen joq.
