Quny 1,5 mlrd teńgeden asatyn aktsızsiz temeki býmalaryn satý arnasy joıyldy
Pavlodar oblysy polıtsııa departamenti uıymdasqan qylmysqa qarsy kúres basqarmasynyń qyzmetkerleri Abaı oblysyndaǵy áriptesterimen birlesip, aktsızsiz temeki ónimderin ótkizý arnasynyń jolyn kesý boıynsha aýqymdy operatsııa júrgizdi, dep habarlaıdy Kazinform Polisia.kz-ke silteme jasap.
4 jeltoqsanda bir mezgilde eki óńirde úsh júk avtokóligi toqtatyldy. Olardy tekserý kezinde aktsızsiz, jalpy sany 2 mln býmadan astam túrli markaly temeki tabyldy.
Al júk kólikteriniń júrgizýshileri santehnıkany tasymaldaýǵa arnalǵan qujattardy kórsetken.
Atalǵan oblystardyń memlekettik kirister departamentteriniń mamandary temeki ónimderiniń naryqtyq qunyn anyqtady. Ol 3 mln AQSh dollarynan nemese 1,5 mlrd teńgeden asady.
– Jınalǵan materıaldar ekonomıkalyq tergep-tekserý qyzmetiniń óńirlik departamentterine berildi. Bul fakt boıynsha QR QK-niń 214-babymen (Zańsyz kásipkerlik qyzmet) sotqa deıingi tergeý júrgizilýde, – dedi QR ІІM uıymdasqan qylmysqa qarsy kúres departamentiniń ókili Qýandyq Alpys.
Aqparat kózi Polisia.kz saıtynda:
