Quny 1 mln teńgeden asatyn mádenı qundylyqtar saýdasy qarjylyq monıtorıng baqylaýyna alynady

ASTANA. KAZINFORM — Quny 5 mln teńgeden asatyn tsıfrlyq aktıvter operatsııalarynyń bári Qarjylyq monıtorıng agenttiginiń baqylaýyna alynady. Májiliste jańa zań jobasyn tanystyrǵan Qarjylyq monıtorıng agenttigi tóraǵasynyń orynbasary Jeńis Elemesov osyndaı málimet aıtty.

— Mádenı qundylyqtardy qolma-qol aqsha nysanynda satyp alý (satý), mádenı qundylyqtardy Qazaqstanǵa ákelý ne Qazaqstannan áketý jónindegi operatsııalardyń shegin 45 mln teńgeden 1 mln teńgege deıin tómendetý usynylady, — dedi ol.

Sondaı-aq, agenttik ókili somasy 5 mln teńgege teń nemese odan asatyn tsıfrlyq aktıvtermen jasalatyn operatsııalar da endi qarjylyq monıtorıngke alynatynyn aıtty. 

Eske salsaq, Májilis aqpan aıynda ǵana aqshany jylystatýǵa qarsy kúres týraly zań qabyldaǵan bolatyn.