Qundyz ben qutan 3 myńǵa jýyq adamdy jaryqsyz qaldyrdy
ASTANA. QazAqparat - Reseıdiń Kalınıngrad oblysynda qundyz ben qutannyń kesirinen úsh myńǵa jýyq adam jaryqsyz qalǵan.
Atap aıtqanda, Mamaon RES-inde bolǵan apatta 34 transformatorlyq shaǵyn stansa isten shyǵyp qalyp, saldarynan eki myńnan astam adamy bar birneshe aýyl jaryqsyz qalǵan. Apattyń elektr jelisine kelip qonǵan qutannyń sebebinen oryn alǵany belgili boldy. Qutannyń ózi ólim qushqan.
Jelini jóndeýshiler apat saldaryn joıyp jatqanda ekinshi oqıǵa oryn alǵan. Qundyz kemirgen aǵash elektr jelisine qulap, ony úzip jibergen. Nátıjesinde myńdaǵan adam elektr qýatynsyz qaldy, dep habarlaıdy Interfaks.
