Qundy qaǵazdardyń halyqaralyq naryǵyn retteý týraly kelisim óz ózektiligin joǵaltty - QR Prezıdenti Jarlyǵyna túsinikteme
ASTANA. Maýsymnyń 19-y. QazAqparat - QazAqparat «1993 jylǵy qańtardyń 22-indegi Qundy qaǵazdardyń halyqaralyq naryǵyn retteý týraly kelisimge Qazaqstan Respýblıkasynyń qatyspaý nıeti týraly» QR Prezıdentiniń Jarlyǵyna túsinikteme mátinin jarııalaıdy.
2010 jylǵy maýsymnyń 16-synda QR Prezıdenti «1993 jylǵy qańtardyń 22-indegiQundy qaǵazdardyń halyqaralyq naryǵyn retteý týraly kelisimge Qazaqstannyń qatyspaý nıeti týraly» №1000 qaýlyǵa qol qoıdy.
Atalmysh qaýly Qundy qaǵazdardyń halyqaralyq naryǵyn retteý týraly kelisimnen (ary qaraı - kelisim) shyǵý maqsatynda ázirlendi. Kelisimge 1993 jylǵy qańtardyń 22-sinde Mınskide TMD-ǵa qatysýshy 10 memlekettiń kelisimimen qol qoıylǵan bolatyn jáne qazirgi ýaqytqa deıin Kelisim taraptary bolyp otyrǵan TMD-ǵa qatysýshy elderdiń memleket ishindegi protsedýralarynyń aıaqtalmaǵanyna baılanysty óz kúshine enbegen. Reseı Federatsııasy TMD atqarýshy komıtetin kelisimge qatyspaý nıeti týraly habardar etti, Ýkraına da memleket ishindegi protsedýralardyń oryndalýynan tartyný nıeti týraly málimdegen.
Atalmysh kelisim jasalǵan TMD-ǵa qatysýshy memleketterdiń qarjy naryǵynyń fýnktsııalaný shartynyń ózgerý saldarynan búgingi tańda ózektiligin joǵaltyp otyr.
QR Prezıdenti Ákimshiliginiń áleýmettik-ekonomıkalyq monıtorıng bólimi.
