Qundy qaǵazdar naryǵynyń kásipqoı qatysýshylarynyń Qazaqstandyq qaýymdastyǵy quryldy
ALMATY. Sáýirdiń 21-i. QazAqparat / Ádilet Musahaev / - Búgin Ulttyq qor naryǵynyń operatorlary baspasóz máslıhatyn ótkizip, qundy qaǵazdar naryǵynyń kásipqoı qatysýshylarynyń Qazaqstandyq qaýymdastyǵyn (KASD) qurǵanyn jarııalady,
dep habarlaıdy QazAqparat.
Qaýymdastyqty «BTA Sekıýrıtıs» AQ, «Vernyı kapıtal» AQ, «IFD «RESMI» AQ, «Kazkommerts Sekıýrıtıs» AQ, «Sentras Sekıýrıtıs» AQ, «Troıka Dıalog Kazahstan», AQ, «Halyk Finance» AQ bastamasymen qurylyp, KASD múshesi bolýdy josparlaıtyn Qazaqstan qarjygerler qaýymdastyǵynan, Qazaqstan qor bırjasy men baǵaly qaǵazdar ortalyq depozıtterinen qoldaý tapqan.
«Troıka Dıalog Kazahstan» AQ dırektorlar keńesiniń tóraǵasy Asqar Elemesovtyń aıtýynsha, qaýymdastyqty qurýdyń maqsaty - qundy qaǵazdar naryǵyna joǵary etıkalyq standarttardy engizý jáne jumys barysynda týyndaǵan máselelerdi ózara sheshýge baǵyttalǵan. «Sońǵy jyldary qundy qaǵazdar naryǵynda óte kóp kompanııalar ashylǵan, olardyń sany óskenimen sapasy óspeı otyr. Sondyqtan osy salada kóp jyldar boıy jumys istep kele jatqan tájirıbesi mol kompanııalardy osy qaýymdastyqtyń qataryna tartqymyz keledi», deıdi A.Elemesov.
Jarǵylyq pen baǵdarlamalyq qujattardy qabyldaý, zańdy tulǵa retinde tirkeý, ishki reglamentter men úrdisin qalyptastyrý KASD-tiń jaqyn aradaǵy jospary bolyp tabylady.
