Kúndiz kóliktiń jaryq shamyn qosyp júrý talaby alynyp tastalǵan joq - ІІM
ASTANA. QazAqparat - Eldi mekenderde kúndiz kólikte jaryq shamyn qosyp júrý talabyn alyp tastaý jónindegi usynys quzyrly organdarda qaralǵan emes. Bul týraly búgin QR ІІM-de ótken baspasóz máslıhatynda Ákimshilik polıtsııa komıteti basqarmasynyń bastyǵy Qanat Sádýaqasov málim etti.
«Іshki ister mınıstrligi ondaı usynystardy alǵan joq. QR Parlamenti Májilisinde de bul talapty alyp tastaý jóninde resmı talqylaýlar bolǵan emes. Múmkin talqylaýdan syrt jerde aıtylǵan da bolar, degenmen ony shyndap qarastyrǵan joq. Ondaı másele turǵan joq, onyń ústine ІІM bul ustanymdy qoldaıdy», - dedi U.Sádýaqasov.
Onyń aıtýynsha, jańa normalar jaqsy nátıjelerge ákelýde.
«Bizde qazir apat sany tómendep keledi. Osynyń arqasynda eldi mekenderde kóptegen adamnyń ómiri aman qaldy. Bizde eldi mekenderde jol-kólik oqıǵalary 6,5 paıyzǵa, ólim-jitim oqıǵalary 4,1 paıyzǵa jáne jaraqat alǵandar boıynsha 7,2 paıyzǵa azaıdy, bul óte jaqsy kórsetkishter. Kúndiz jaryq shamyn jaǵyp kele jatqan kólikterdi jaıaý júrginshiler kóz qıyǵymen kóre alady, sonyń arqasynda qaýiptiń betin alýyna múmkindik birneshe ese kóp bolady», - dep atap ótti ol.
Q.Sádýaqasovtyń sózine qaraǵanda, mundaı normany engizbesten buryn, ІІM álemdik tájirıbeni de zerttegen bolatyn.
«Álemde jaryq shamyna qatysty zertteýler jasaldy. AQSh-ta jeti márte, Kanadada tórt márte, Norvegııada jáne Danııada eki ese, Fınlıandııada bir ret, Izraılde bir ret, Shvetsııada, Vengrııada, Avstrııada ótkizildi. Olardyń barlyǵy jol-kólik oqıǵalarynyń kemýine oń áser etken. Árıne, onyń qorshaǵan ortaǵa áseri men birqatar shyǵyndar bar. Jylyna 6-13 kanadalyq dollar ketedi eken. Kez kelgen qarsy jeldiń áserinen shyǵyn kóbirek bolady. Biraq adamnyń ómiri 10-13 kanadalyq dollardan áldeqaıda qymbat», - dep atap ótti ol.
