Qundy daǵdylary bar mamandarǵa V9 vızasy berilmek

ASTANA. KAZINFORM – Qundy daǵdylary bar sheteldik mamandarǵa Qazaqstanda turaqty turýǵa quqyq beretin V9 vızasyn engizý jumysy júrgizilip jatyr. Bul týraly Senat depýtattarynyń saýalyna Premer-Mınıstrdiń orynbasary Tamara Dúısenovanyń jaýabynda aıtylǵan.

«Syrtqy ister mınıstrligi Qazaqstan úshin qundy daǵdylary bar mamandarǵa turaqty turýǵa quqyq beretin V9 vızasyn engizý boıynsha jumys júrgizip jatyr. Túzetýler zań jobasy sheńberinde kózdelgen. Qabyldanyp jatqan is-sharalar tehnologııalardyń transfertin jáne ulttyq kadrlardy daıarlaýdy qamtamasyz etetin kásibı biliktiligi joǵary dárejesi bar tapshy kásipter boıynsha sheteldik mamandarǵa basa nazar aýdara otyryp, bilikti eńbek mıgranttaryn Qazaqstanǵa tartýǵa múmkindik beredi», - dep atap ótedi vıtse-premer jaýabynda.

Tamara Dúısenovanyń atap ótýinshe, el ekonomıkasyna suranysqa ıe mamandardy tartý máseleleri Úkimettiń erekshe baqylaýynda.